Nagpapabilin nga normal ngan waray aberya ha tanan han operasyon an mga airport nga ginmamangulo han Civil Aviation Authority of the Philippines o CAAP.
Sumla ha CAAP, padayon ini nakikig-sumpayan ha mga airline companies kasumpay ha ira mga financial obligation agud masigurado an pagsunod ha mga regulasyon ngan maupay nga kiwa han operasyon ha mga airport.
Gintagan-duon han ahensya nga an bisan ano nga pagkadelatar o pag-undang han operasyon han usa nga airline in posible magdurot hin dako nga epekto ha ekonomiya, pagkawaray hin trabaho ngan pagkadelatar ha serbisyo para ha mga pasaheros ngan kargamento.
Mahitungod hini, an pagbabayad hin mga kabaraydan in an gintutudlok nga pinakamaupay ngan praktikal nga solusyon han CAAP.
Ginklaro naman han CAAP nga padayon an operasyon han usa nga airline company pero gintagan nira hin kutob Hunyo 6 nala agud mabaydan an nabibilin nga obligasyon hini ha ahensya.
