NATIONAL – Igin rekomenda ni Commission on Elections (COMELEC) Chairman George Erwin Garcia ha en banc nga pahalawigon pa an online registration para ha mga deactivated voters kutob Setyembre han presente nga tuig.
Panuyo daw hine nga matagan hin higayon an nasasalin nga 5.73 million nga Pilipino nga botante nga na-deactivate nga utro nga makagparehistro.
Tikang manggud han Pebrero 12 kutob Setyembre 11 han yana nga tuig, 556,231 registered voters la han kabug-usan nga ihap an nagproseo han iya aplikasyon sugad han transfer for reactivation; transfer for reactivation with correction of entries; reactivation, ngan reactivation with correction of entries.
Sumala kan Garcia, an bulto han nasabi nga mga aplikasyon in para ha reactivation nga ada ha 342,991.
Samtang, umabot naman ha sobra 6.1 million an ihap han bag-o nga registered voters para ha 2025 midterm elections basar ha tally han COMELEC.
