TACLOBAN CITY – Ginlunsar na han Livelihood Extension Program (CLEP) han City Government han Tacloban an online cooking class demonstration pinaagi ha pagpost hin video hini ha facebook.
Sumala kan Rowena Mate, head han CLEP Tacloban, nakakaduha kada semana an ira pagpopost hin online cooking class demonstration kasugbong an City Information Office.
An mao nga programa in inisyatibo han CLEP para mapadayon la gihapon an ira serbisyo ha kaluyo nga dire gintutugot an face to face nga skills training tungod han COVID-19 pandemic.
Nagtutuo hira nga makakabulig an mao nga online cooking demo ha mga karuyag nga magnegosyo o magbaligya tungod nga masayon la nga subdon ngan budget friendly an ira mga ginluluto ha ira featured episodes.
Samtang, labot la han mao nga programa in mayda gihapon libre nga arot han CLEP ha pira nga mga barangay ha Tacloban tikang han nakalabay nga Agusto 3 tubtob 7.
