TACLOBAN CITY – Ginhihingita ni Senator Mark Villar nga mapipirmahan na ni Presidente Ferdinand ”Bongbong” Marcos Jr. an ‘One Town, One Product’ bill nga ginlalauman nga makakabulig ha mga Micro Small and Medium Enterprises (MSMEs) ha Pilipinas.
Ha sulod han “One Town, One Product” (OTOP) o Senate Bill No. 1594 nga ginpangamay-amayan ni Villar, kasugbong han Department of Trade and Industry (DTI) an mga local government unit ha paghatag hin komprehensibo nga package of assistance ha mga OTOP Program beneficiaries.
Siring ni Villar kada tuig magkakaada hin pondo nga gagamiton han mga benepisaryo para product development, training ngan market access ha ira mga produkto.
Dugang pa hini nga pinaagi hiton pag institutionalize han mga ‘unique’ nga mga produkto han kada bungto makakaghatag ini hin damo nga pakabuhi labi na ha mga tay-aw nga mga lugar ngan makabulig ha ekonomiya ha Pilipinas.
”Malaking bagay pag naging batas ito kasi karamihan sa ating mga kababayan nagtatrabaho sa MSMEs. Kailangan dagdagan ang suporta sa kanila para maraming business ang makaka-generate ng trabaho”, pahayag ni Villar ha pag atubang ha media
Natapos na daw an bicameral conference committee hearing nga ginkokompinir han mga representante tikang ha Senado ngan House of Representatives, kon diin pipira nga provision han balaudnon an ginbag-o.
Kaupod dinhe an pagmugna hin national strategic development plan para ha OTOP program ngan pag-establisar hin qualification criteria para ha OTOP products.
