TACLOBAN CITY – Gin inspekyon an mga kapulisan nga aadto ha Leyte Police Provincial Office han Internal Affairs Services han kapulisan kun an mga ini ba in nagsusunod han ira sakto nga uniporme.
Sumala kan PCol. Mely Rita Davis, Regional Director, Regional Internal Affairs Service Region 8, nga usa ha mga importante nga aspeto han mga kapulisan in adtun ira mga uniporme, sanglit kaangayan daw la nga sumunod an mga ini.
“Ang gusto ng Internal Service ay disiplinado ang ating mga kapulisan. Considering that we have the mandate to discipline and serve as the watchdog of the PNP. So dapat andito kami taga gabay sa kanila, kung ano ang nakikita namin na dapat i-improve pa para sa kabutihan ng lahat sa community.” yakan ni Davis.
Usa gihapon ha ira nagin aktibidad in an One time, Bigtime red teaming inspection ngan an Gabay Aral Program nga magseserbi naman nga refresher han mga balaud ngan panuntunan han kapulisan.
Lakip gihapon nga ira ginbuhat in adtun pag inspeksyon han sakto nga mga panul-utan ngan physical apperance han mga ini.
“Yung good grooming ay yun yung showing ng PNP para naman yung sa community natin ay talagang maappreciate how good physical looking of the PNP personnel on the ground.” dugang pa ni Davis
Gintagan pa hini hin duon nga an mga Chief of Police nga aadto on the ground in dapat nga maaram an mga syahan naman nga mga maresponde nga nakasul-ot liwat hin sakto nga uniporme.
Mag aatubang hin kaangayan nga sirot ngan penalidad han hino man nga diri magsusunod han ira tamang bihis nga mga kapulisan.
Ginpasabot pa hini nga ha Sinirangan Bisayas in mayda na nira mga report hiunong han mga kapulisan nga diri nagsusunod han tamang bihis pero ira liwat ini dayon nga ginsisita ngan ginpapahinumduman nga kun aadto ha komunidad in kinahanglanon nga sumunod gud han panuntunan nga gin iimplementar kumo usa nga pulis.
Gin aaghat naman ni Davis an publiko nga diri magruha-duha nga magreport ha Internal Affairs Office o di man ngani ha Municipal Police Station kun mayda mabaruan nga nagpapakilala nga miyembro han kapulisan.
