Gin sigurado han Department of Energy (DOE) nga supresyente an suplay han lana han nasud ha 50-kaadlaw, samtang ginlalauman an pag-abot han kadugangan nga buffer stocks yana nga bulan han Abril.
Sumala kan DOE Undersecretary Sandy Sales, ada ha 900,000 bariles han lana an naka-iskedyul nga umabot yana nga bulan.
Kaupod dinhi an syahan nga 300,000 bariles nga ginlalauman maabot ugsa mag-Abril 10 nga tikang ha Malaysia, samtang duha pa nga shipment an maabot tikang ha North Asia ngan India.
Ginmalatumat naman ni Energy Secretary Sharon Garin nga an buffer stocks in ginkukuha ha ilarom han Emergency Energy Security Program, ngan mayda pa supresyente nga panahon an nasud agud magdugang hin suplay kun kinahanglan.
Basar ha datos han DOE, an presente nga suplay han gasolina, diesel, ngan iba pa nga produkto nga petrolyo in maabot tikang 47 ngada sobra 100 kaadlaw, depende ha klase hini.
