NATIONAL – Nagpahayag hin pagkabaraka hi OFW Party List Representative Marissa “Del Mar” Magsino ha nagin pag-ubos han budget han Department of Migrant Workers (DMW) para ha fiscal year 2025.
Ha iya interpelasyon ha gindumara nga budget deliberation han nasabi nga ahensya ngan han mga attached agencies hine, kaupod na an Overseas Workers Welfare and Administration, ginpanginano ni Rep. Magsino kun kay ano umubos an appropriations han DMW para ha masunod nga tuig ha kaluyo han pagdamo han mga Overseas Filipino Workers nga deployed ha iba nga nasud.
Dida han 2023, P5 bilyon nga pondo an iginhatag han DMW ha transition period hine tikadto ha operasyon.
Yana han 2024, humitaas an budget han DMW ha P7.52 bilyon nga kaparehas han 33.6% nga paghitaas. Pero igin kasubo ni Rep. Magsino nga umubos ine ha P5.09 bilyon para ha 2025, nga kaparehas han 32.4% nga pag ubos.
