TACLOBAN CITY – Ginduduso an pagpahiluag han panhatag hin tinapay nga nutriban ha mga eskwelahan ha syudad.
Sumala kan Malou Tabao, Head han City Nutrition Office han Tacloban City, maiha na daw nga ginpatuman ine nga programa, dida han nakalabay nga tuig in gintikangan ine han waray pa face-to-face nga klase kun diin gindudul-ong han mga kamaestrahan ha balay han bulig hine nga programa an tinapay.
An nutriban in dire daw parehas han normal la nga tinapay nga mapapalit ha gawas, ine in daw masustansya kay damo nga nutrients an makukuha hine ngan kun hino man makaon hine in dire daw gugutumon dayun mahitungod nga sik-on an sulod hine.
Waray naman daw pili kun hino an pwede la kumaon hine mahitungod nga ‘for all’ daw ine.
Dugang pa hine, gin istudyuhan daw ine hin maupay ngan waray ine maraot nga durot ha lawas hiton makaon.
Ha pagkayana, gin iistudyuhan na han DOST an recipe hine, ngan kaupod han DepEd nga nagpatuman hine nga programa in nagbibiling na daw hira hin bakery nga maghihimo han nasabi nga tinapay agud makasuplay dayun ha mga eskwelahan.
