TACLOBAN CITY– Nagpahimatngon iton National Telecommunications Commission Regional Office Vlll, ha publiko nga mag-ikmat ha nagsasarang yana nga modus nga nag-ooffer hin serbisyo kasumpay hiton pamiling han mga nawara na nga cellular phones.
Sumala kan Engr. Willie Zabala, Regional Director National Telecommunications Commission Regional Office Vlll, naka-karawat an ira buhatan kasumpay han mao nga modus, kun diin ginpapag-hirot an publiko nga dire kumagat ha paon hiton mga scammers.
Dugang pa ni Zabala, nga ha pagkayana an ira buhatan in waray pa programa nga nag-ooffer hin pamiling han mga cellphones nga nagkakawara, matungod nga waray pa an mga ine ekepahi nga pwede magamit agud nga maka-locate hiton mga cellphones nga nawawara.
Ginmalatumat ni Engr. Zabala, nga an pamaagi han mga scammers in nagamit an mga ine hin facebook account, agud nga manguwat ngan maghatag hin serbisyo nga dire otorisado han NTC-8.
Mahugot nga gindidire nga mag-komento ha mga post ha social media , matungod nga ine an higayon nga nakukuha iton atensyon han mga scammers.
