TACLOBAN CITY– Ginpapag-ikmat hiton National Telecommunications Commission Regional Office Vlll, an tanan nga publiko kasumpay ha bag-o nga modus han mga scammers, kun diin ine in gintatawag nga “Spoofing”.
Sumala kan Engr. Willie Zabala, Regional Director National Telecommunications Commission Regional Office Vlll, nakipagsumpayan na an ira buhatan ha mga telecos kasumpay ha nasabi nga modus.
An “Spoofing”, in an ginsusubad adton mga lehitimo nga kampaniya para makapanguwat pinaagi naman hiton text messages.
Ine in mahuman nga maka-karawat hira hin mga reklamo kasumpay ha nasabi nga modus.
Gin-aaghat naman hine an publiko, nga likayan nga mag click hin bisan anu nga link messages, ngan likayan nga maghatag hin bisan anu nga personal nga impormasyon ha social media, ngan sugadman ha mga dire kilala nga tawo nga natawag ha telepono ngan nag-aaro hiton mga impormasyon.
Panginanuon gihapon adton mga kampaniya nga nagpapadara hiton mensahe, ngan likayan nga dire makipag transaksyon ha mga ine online, ngan mas makaka-upay nga personal nga bisitahon an opisina han nasabi nga kompaniya, agud nga masigurado nga lehitimo an tanan nga mga transaksyon.
