-- Advertisements --
TACLOBAN CITY – Patay an usa nga notorious nga miyembro han New People’s Army ha nanabo nga engkwentro han mga kasundaluhan ha Brgy. Lower Sogod, Carigara Leyte.
Sumala kan Lt. Col. Danilo Dupiag, Commander han 7th Infantry Battalion, ginkilala an mao nga rebelde nga hi alyas Santoy o Padi.
Nahibaruan nga humagos hin tulo ka minutos an naging balyuay han buto ha butnga han rebelde nga grupo ngan han mga kasundaluhan.
Narekober naman ha mao nga engkwentro an pira nga mga firearms, ammunitions, magazines, explosives ngan pira nga mga dokumento.
Dugang pa ni Lt. Col. Dupiag, may usa pa nga miyembro han rebelde nga grupo an ira nadakop ha mao nga engkwentro.
