TACLOBAN CITY – Hul-os na nga igpapatuman yana nga adlaw an No Face Shield No Ride Policy ha mga public utility vehicles (PUVs) ha siyudad han Tacloban.
Sumala kan Allan Ronda, Admin IV Officer han New Bus Terminal han Tacloban, andam na an ira buhatan para han mao nga implementasyon han palisiya ngan han naglabay nga semana in kinada-adlaw an ira pasabot ngan pahimatngon ha publiko bahin hini.
May mga nakatuka nga personnel nga mag-iinspeksyon agud nga masiguro nga may sul-ot nga face mask ngan face shield an kada pasaheros san-o nga sumakay.Maagi gihapon anay ha scanner han QR code an pasaheros ngan sugadman thermal o temperature check san-o nga pasakyon ha PUV.
Kasugbong naman han siyudad an Traffic Operations Management Enforcement and Control Office (TOMECO) ha pag asister ha implementasyon han palisiya.
