NATIONAL – Gin tikangan na gihapon han National Irrigation Administration an pagbaligya han barato nga bugas kahuman han nagin paglunsar han P29 nga kada kilo han bugas han ira ahensya.
An ginbabaligya nga abot-kaya nga bugas in tikang ha Rice Contract Farming Program han NIA.
Panuyo han nasabi nga programa nga matagan hin suporta an 40,000 nga ektarya han human agud umursa an produksyon sugadman an income han mga parag-uma.
Nanhatag gihapon an ahensya hin farm inputs, ginpalit gihapon han ahensya an harvest nga humay han mga benepisyaryo nga parag-uma nga umabot ha lima ka-tonelada.
Sumala kan NIA Administrator Eduardo Guillen, ine in kumo pagsugot han mga direktiba ni PBBM.
Padayon gihapon an paningkamot han ahensya nga mapaursa an produksyon han mga umhanan ha Pilipinas.
