NATIONAL – Naghatag an National Housing Authority hin 100% condonation ha ngatanan nga mga delinquent housing beneficiaries nga maiha na nga dire nakakabayad han ira mga binulan nga hulog.
Ginbuhat ni NHA General Manager Joeben Tai an pahayag kadungan han pagselebrar han ika-50 nga charter anniversary han ira ahensya.
Sumala kan Tai, bubuligan nira an mga delinquent beneficiaries nga makag-avail hin 100% para ha penalty ha housing loan.
Ada ha 95% naman nga condonation an hatag han ahensya para ha interes ha housing loan.
Ha datos nga ginpagawas han ahensya, maabot ha 20 nga delinquent housing borrowers an mabubuligan han condonation.
Igpapatuman ine tikang ha Mayo 1 kutob Oktubre 31 han presente nga tuig.
Kasumpay hine ginpahayag han ahensya nga magpapadayon an ira paningkamot nga makagtindog hin ada ha 100,000 nga pabahay yana nga tuig.
