TACLOBAN CITY- Guindig-unan han National Housing Authority (NHA) nga waray nagkaguguba nga permanent shelter ha norte nga parte han Tacloban mahuman an 6.5 magnitude nga linog dida han nakalabay nga semana.
Sumala kan NHA 8 Regional Manager Engineer Rizalde Mediavillo nga kahuman han natabo nga linog, dayon nga guinbisita han ira buhatan an mga permanent shelter ha Tacloban kun diin nahisabutan nga waray naman daw structural defects ha mga poste ngan vega.
Dugang pa ni Engr. Mediavillo nga waray naman daw angay nga kabarak-an an mga nasisipatan nga mga crack ha bungbong han permanent shelter mahitungod nga natural la ini ha luyo nga disaster-resilient o magdig-on an mga guintukod hini nga struktura mahuman nga umagi hin mahugot nga pag studyo.
An kaparte han pamahayag ni Regional Manager Engineer Rizalde Mediavillo han National Housing Authority (NHA) Regional Office 8.
Guinmalatumat guihapon han mao nga opisyal nga abre an ira buhatan han igpapadangat nga mga reklamo ngan sugad man nagpapadayon la guihapon an ira monitoring ha mga pabahay ha magkadirudilain nga parte han Sinirangan Bisayas.
