Nanawagan an National Grid Corporation of the Philippines (NGCP) hin mas dako nga pamumuhunan ha mga baseload power plants tikang ha mga lokal nga gobyerno agud mabaton an padayon nga nagtitikahitaas nga demand ha kuryente ha Visayas.
Subay ha NGCP, nahipatik dida han Mayo 14 an pinakahitaas nga konsumo han kuryente ha Visayas nga umabot ha haroas 2,780 megawatts. Mahitungod hini, ginkinahanglan pa kumuha hin dugang nga suplay hin kuryente tikang ha Luzon ngan Mindanao agud mabaton an panginahanglan han mga kunsumidor.
Ginmalatumat gihapon han NGCP nga kadam-an ha mga Yellow Alerts ngan Red Alerts ha Visayas in durot han tigdaay nga pag-undang han operasyon han pira nga power plants.
Igin eksplikar gihapon han NGCP nga bisan kun padayon an paggamit han renewable energy sugad han solar power, dire la gihapon ini sakto agud masigurado nga padayon an suplay han kuryente, labi na kun mayda nabubug-os nga maraot nga panahon.
Mahitungod hini, nanawagan an NGCP ha gobyerno ngan mga lokal nga opisyal nga suportahan an pagtutukod hin mas damo nga baseload power plants o mga planta nga akos maghatag hin padayon nga suplay hin kuryente anuman nga oras ngan anuman an kabutang han panahon.
