-- Advertisements --
NATIONAL – Ginpapadagmit na han National Grid Corporation of the Philippines an paghingayad han mga linya han kuryente ha lima nga probinsya nga naapektaran han Bagyong Kristine.
Panuyo hine nga maibalik an normal nga distribusyon han kuryente ha lugar nga ginlasurbo han bagyo.
Sumala kan NGCP Public Relations Officer Trish Roque, kaupod ha mga apektado nga probinsya in an Batangas, Camarines Sur, Pangasinan, Tarlac, ngan Nueva Ecija.
Ha usa nga pahayag, ginmalatumat ni Roque nga an linya han kuryente ha probinsya han Camarines Sur in lunod la gihapon ha baha.
Pira ha mga apektado nga lugar ha CamSur in dire la gihapon nasusulod mahitungod ha mga nakaulang nga mga puno hin kahoy ha karsada ngan mga pagbaha.
