-- Advertisements --
NATIONAL NEWS– Nanawagan an National Food Authority (NFA) ha mga trader nga dire baraton an mga parag-uma ha pagpalit han ira mga humay.
Sumala kan NFA Administrator Larry Lacson, may mga lugar nga napalit la hin humay ha kantidad nga P11.50 -P15 an kada kilo, duro ine ka hamubo kumpara ha puhunan han mga parag-uma nga naabot hin P12 – P14 an kada kilo.
Subay ha mga nakalabay nga procurement han NFA nahibaruan nga napalit ine hin clean and dry nga humay ha presyo nga P23 – P30, samtang an fresh ngan wet nga humay in ada ha P17 -P23 kada kilo.
Pag-esplikar ni Lacson an rason han paghamubo han presyo in matungod ha panarhog nga ginhimo han pira nga mga trader tungod ha puno pa an bodega han NFA.
