-- Advertisements --
NATIONAL – Iginpahayag han National Food Authority nga karuyag nira nga magbaligya utro hin barato nga bugas ha publiko.
Sumala kan NFA Director Larry Lacson, an nasabi nga pitad in dako nga bulig para ha mga mulupyo ngan para gihapon mahigawas an suplay han bugas.
Pag-isplikar ni Lacson, nakakagbaligya la hira ha Department of Social Welfare and Development, Office of Civil Defense, ngan mga Local Government Unit kun may kalamidad ngan ha mga Kadiwa Centers.
Karuyag gihapon nira magbaligya ha publiko mahitungod nga aada ha 5.4 milyon ka-sako hin bugas an nakahipos ha ira warehouse.
Dugang pa han opisyal, an nasabi nga buffer stock in masadang para mapakaon an bug-os nga Pilipinas ha sulod han walo ka-adlaw.
