TACLOBAN CITY- Guinsiguro han National Food Authority nga sadang la guihapon an suplay han bugas ha kabug-usan nga Sinirangan Bisayas.
Ini in may kalabutan han magnitude 6.5 nga linog nga bumay-og ha probinsya han Leyte dida han nakalabay nga semana.
Sumala kan NFA Adminstrator Jason Aquino, nga harayo nga magkamay-ada hin rice shortage ngan paghataas ha presyo han bugas ha Leyte.
Ha pagkayana daw in may ada pa nabibilin nga 400,000 kasako o kabalyo han 20,000 metric tons hin bugas an mga naka-stock ha warehouses han buhatan.
Dugang pa ni Aquino nga kabalyo ini han 13 kaadlaw nga suplay han bugas basi na guihapon ha daily rice consumption requirement.
Samtang, ha pagkayana, nagpapadayon pa an pagmonitor han NFA para masiguro nga waray nagpapasobra ha presyo han bugas ha mga naapektuhan han linog nga mga lugar.
