NATIONAL – Ha kaluyo han padayon nga pag-uran ha pira nga parte han nasud, ginsigurado han National Food Authority (NFA) an pagpapadayon han pagpalit hine hin mga humay ha mga parag-uma.
Ginpahayag ni NFA administrator Larry Lacson nga magpapabilin gihapon an hitaas nga presyo nga gingamit dati han NFA nga P23 to P30 per kg para ha dry, ngan P17 to P23 per kg para ha bag-o nga harvest nga humay.
Sumala pa hiton opisyal, padayon an pagbubuhaton nga pagpapahitaas han stock han humay ha mga bodega hine kumo pangandaman na gihapon ha mga panahon han kalamidad kun diin hitaas an panginahanglan ha mga stock han NFA Rice mahitungod nga gingagamit ine ha mga relief operations.
Kutob ha urhi nga parte han Hunyo in nahimo han ahensya nga makapalit hin sobra 3.5 million kasako hin human, haros 200,000 nga mag hitaas kumpara ha target nga 3.3 million.
Ha presente in mahugot daw an koordinasyon han mga NFA Field Offices ha mga parag-uma, kooperatiba han mga parag-uma, ngan mga asosasyon agud magpadayon an procurement.
Sumala pa kan Lacson, pamaagi na gihapon ine han ahensya agud mabuligan an mga parag-uam nga magkamay-ada hin kadugangan nga kita.
