TACLOBAN CITY– Waray na kinabuhi an usa kapapanganak pala nga baby, han mahikit-an ine hiton pira nga mga residente nga nakaputos hiton pranela, samtang nakada ha sulod han shoe-box ngan nakalubong na ha tuna ha may Sky City Mega Project, Barangay San Andres, Catbalogan, Samar.
Sumala kan PLt. Maria Teresa De la Cruz, Community Affairs and Development Officer Catbalogan City Police, han maka-karawat hira hin report tikang ha mga concern citizen, dayon an mga ine nagdumara hin imbestigasyon.
Basar ha ira ginhimo nga imbestigasyon, nahibaruan nga an nasabi nga new-born baby in waray bado, ngan naka diaper la ine.
Mababaruan nga an nasabi nga lugar in higtaas an kabanwaan, ngan waray mga panimalay.
Ha pagkayana, padayon an ira paghikay hiton imbestigasyon sugadman an pag-review hiton CCTV ha nasabi nga lugar, agud nga mahibaruan kun hino an nanay han nasabi nga bata.
