-- Advertisements --
INTERNATIONAL NEWS– Personal nga ginbisita ni Israeli Prime Minister Benjamin Netanyahu an syudad hiton Nir Oz kibbutz.
Ine an syahan nga higayon nga ginbisita ni Netanyahu an lugar tikang han sumulong an Hamas hadton Oktubre 7, 2023.
Ha iya nagin speech, ginsigurado niya nga igbabalik an mga hostage han Hamas.
Mababaruan, nga maabot na hin 100 nga residente han Nir Oz an posible nga gin kidnap ngan ginpatay han mga Hamas.
Ha mao nga adlaw, nagin mahugot naman an pagbabantay han mga otoridad matungod nga pira nga mga grupo an nagdumara hin gios protesta ha nagin pagbisita ni Netanyahu.
