NATIONAL NEWS– Humitaas hin US$69.3 bilyon (P3.88 trilyon) an net external liability han Pilipinas ha paghuhuman hiton Marso 2025, mas hitaas kumpara ha US$65.5 bilyon (P3.67 trilyon) han nakalabay nga Disyembre 2024.
Ine in kasunod han mas madagmit nga paghitaas han foreign investments ha Pilipinas kumpara ha pondo nga gin-alutaga han nasud ha iba nga nasud.
Naitala an kabug-usan nga external debt ha US$326.8 bilyon (P18.31 trilyon)samtang an paggawas nga asset in ada ha US$257.5 bilyon (P14.42 trilyon).
Ha tinuig naman nga datos, lumubo hin 17.2% an net external liability tikang ha US$59.1 bilyon (P3.31 trilyon) han nakalabay nga bulan han Marso 2024.
Pinakadako nga parte han foreign investments (56.1%) in nahingadto ha mga pribado nga sektor, pribado nga korporasyon, households ngan non-profit.
Mababaruan an Bangko Sentral ng Pilipinas la gihapon an mayda pinakadako nga parte kun diin naabot ine ha (43.3%) an pondo nga gin-alutaga han nasud ha mga langyawanon nga asset.
