TACLOBAN CITY – Arestado na han mga otoridad an suspek ha pagpusil-patay ha usa nga negosyante ha San Jose Northern, Samar.
Manunumduma nga ginkilala an biktima kan Eduardo Valera, 46 anyos, may-asawa, nagtitinda hin gasolina ngan residente han Brgy. Urduneta, Lavezares, Northern Samar
Samtang an suspek in ginkilala naman kan Salvador Vargas Versoza Jr., 31 anyos an pangidaron ngan residente han Brgy. Enriquita Lavisares, Northern, Samar ngan mababaruan nga dati ine nga nagtatrabaho ha ira pamilya.
Sumala kan PSsgt. Jann Dec Aliposa Duty Investigator hiton San Jose Municipal Police Station, nga subay ha ira inisyal nga imbestigasyon, may-ada upod an biktima han mahinabo an krimen nga kun diin nahikit-an hine an usa nga lalaki nga nakasakay hin motor nga sige an kita han mao nga biktima.
Nadakop an suspek pinaagi han CCTV footage ha mao nga barangay.
Mababaruan nga matungod han kapaso hiton panahon in natanggal an facemask han suspek, ngan nakilal-an nga an anay ine katrabaho mahuman nga sisantihon han mao nga biktima ha sakob hiton 2-3 ka semana.
Ginkikita naman nga nga angulo han mga kapulisan in mayda personal nga delito an biktima ngan an suspektsado kasumpay ha anay nira nga gintratrabahuan.
Mababaruan nga anay na may dukit nga kaso an suspek.
Hapagkayana, ada na ha kostidiya hiton kapulisan ngan ginpro-proseso na an kaso nga igsasalawad ha suspetsado.
