ENTERTAINMENT–Gin-isyuhan han National Bureau of Investigation (NBI) hin subpoena an mga celebrities nga hira Michelle Dee, Rhian Ramos, ngan beauty queen nga hi Samantha Panlilio.
Ginkumpirma ine han legal counsel ni Dee nga hi Atty. Maggie Abraham-Garduque ha usa nga pahayag.
Mayada ine kalabutan ha ginaalegar nga pangangastigo ngan iligal nga pagkapreso han tulo ha anay driver ni Ramos nga hi alyas Totoy han Enero 17 hasta 19, mga akusasyon nga nauna na nga gindiwara han tulo.
Nakarawat na han law office han legal team ni Dee an subpoena nga gin-isyu han NBI han nakalabay nga semana mahitungod nga naghaon hira hin entry of appearance agud nga ngatanan nga notices kan Michelle Dee in direkta nga igpapadara ha ira opisina.
Ginsigurado naman han abogado nga masunod an iya kliyente ha gin-isyu nga subpoena agud nga mabatian an ira parte kanit ha nasabi nga isyu.
Ginlalauman gihapon han kampo ni Michelle Dee nga makab-ot gihapon nira ha katapusan an hustisya. Samtang ha pagkayana, waray pa ginpagawas nga pahayag an kampo nira Ramos ngan Pantillo kasunod han gin-isyu nga subpoena.
