-- Advertisements --
TACLOBAN CITY — Patay na han matad-an han mga rescue team an lawas han 9 anyos nga bata nga lalaki nga naanod han makusog nga sulog han tubig durot han bagyong Amang ha Brgy. Bong-Bong San Francisco, Southern Leyte.
Ginkilala an biktima kan Santino Alfreda, nuybe anyos an pangidaron, ngan residente han mao nga lugar.
Sumala kan Rayden Cabrigas, tagapagyakan han Office of Civil Defense (OCD) Regional Office 8, nga natad-an an patay nga lawas han biktima pira ka kilometro tikang ha iya sapa kun diin hiya naanod.
Dugang pa hini nga labot la ha mao nga insidente in waray na may nahipatik nga kaso hin casualty o nasamaran tungod han Bagyong Amang.
