-- Advertisements --
Iginbalhin han North Atlantic Treaty Organization (NATO) an ira mga personnel tikang ha Iraq tikadto ha Italy.
Tikang manggud han magtikang an kasamok ha Iran in makapira kabeses na ini nga gin atake an NATO Mission Iraq.
Makikit-an an military base hini ha Green Zone han Baghdad, harani ha US Embassy didto.
Magpapadayon an ira trabaho ha Naples, Italy kun diin bubuligan nira an Iraq nga magtukod hin sustainable ngan effective nga security institution.
Gin pasalamatan ni General Alexus Grynkewich, Supreme Allied Commander Europe, an Iraq ngan mga kaalyado nga bumulig ha ira agud maibalhin an mga NATO personnel.
