TACLOBAN CITY — Nagpahimatngun an Regional Task Force on Ending Local Communist on Conflict (RTF-ELCAC) ha Eastern Visayas nga gingagamit ha pagkayana han CPP/ NPA an social media agud nga maipadayon an ira propaganda ngan makapanrecruit.
Sumala kan Eustacio Bacabac, Regional Director han National Intelligence Coordinating Agency, nga tungod han ginpapatuman nga movement restrictions tungod han pandemic in ginpipili yana han mga walhon nga grupo an internet agud nga maka-aghat hin mga bago nga miyembro labi na an mga kabataan.
Ini in pinaagi han ira pagtira ha mga natatabo nga issues ha pagkayana sugad han anti terrorism law, mass testing, checkpoint han mga kapulisan ngan sundalo ngan damo pa nga iba kun diin makakasabay an ngatanan.
Nanawagan naman ini ha ngatanan nga magburublig pinaagi han pagpasamwak han panibago nga style han mga NPA agud nga diri na madugngan pa an pwersa han mga rebelde.
