TACLOBAN CITY – Ginhihingita ngan iginduduso han National Maritime Polytechnic (NMP) ha kamara an ira iginpasa nga modernization plan nga nagkakantidad hin P1.3-B nga dako an maibubulig para han pagpapadukwag pa han maritime industry han nasud.
Sumala kan NMP Deputy Executive Director Myla Macadawan, nga nakadetalye dinhi an mga plano sugad nga maayad an ira pasilidad ngan infrastructures, mapahilawig an ira kapas ha training ngan research, ngan mapa-uruupay an ira kabug-usan nga serbisyo nga magpapadukwag naman han shipping ngan maritime industry han nasud.
Pagduon pa ni Macadawan nga dako daw ini an maibubulig ha mga marino upod na an ira naman mga pamilya.
Ha pagkayana, gin-pasa na nira an modernization plan ha opisina ni House Speaker Ferdinand Martin Romualdez, ipinaagi han Chairperson of the Committee on Overseas Workers Affairs ngan Tingog Partylist Rep. Jude Acidre.
