TACLOBAN CITY – Bug-os an pag-implementar o fully implemented an gindudumara nga National Learning Camp ha Eastern Samar yana nga tuig.
Sumala kan Abner Aclao, Division Information Officer, Department of Education (DepEd) Eastern Samar, nagkamay-ada na hira gintatawag nga National Learning Camp Assessment para hadton mga kabataan sugadman an mga subjects nga English, Science, ngan Mathematics para hadton mga kabataan nga aada ha Grade-7, 8 ngan iba pa.
An nasabi nga National Learning Camp in nagre-require daw gihapon hin Parents Consent sanglit maupay nga mayda maupay nga komunikasyon adto bata ngan an kag-anak hine.
Malipayon gihapon hine nga ginpasabot nga an Eastern Samar Division, tikang ha Kindergarten ngada ha Grade-6 in mayda hira National Learning Camp count nga 11,274 han kabug-usan nga enrollees nga 59,270.
Para naman ha Grade-7 ngada ha Grade-12, ha kabug-usan nga 32,961 enrollees, an National Learning Camp count in ada ha 6,073.
Karuyag sidngon daw hine, ha kabug-usan nga 27 distrito han Samar Division, amu ine an mga National Learning Camps nga tatagan hin pondo tikang ha Central Office.
