TACLOBAN CITY – Malinampuson nga gindumara an pagsalin-urog han nagpapadayon nga National Disability Rights Week nga ginbuhat ha activity area han usa nga mall ha norte nga dapit ha siyudad han Tacloban dida han nakalabay nga adlaw, Hulyo 18, 2024 kumo kick-off han nasabi nga aktibidad.
Sumala kan Raymond Gaspay, Tacloban City PWD Federation President nga an panuyuan hini in agud siguraduhon nga parehas may katungod ngan nakakatagamtam iton mga Persons With Disabilities han mga parehas nga benepisyo o opportunidad panarabahuan ngan abilable ngan kumportable nga mga inprastraktura para ha ira.
Dugang pa hini nga labot la han pagsalin-urog hini nga aktibidad in ira gihapon gintagan hin pagkilala an abilidad, kontribusyon, achievement han mga mga PWDs.
Ini nga serebrasyon in kasunod han commitment hiton gobyerno ha United Nations Convention on the Rights of Persons with Disabilites, nga kun diin, ginsisigurado nga tanan nga indibidwal ma-PWD man o dire in mayda parehas nga opportunidad ngan dire makakaeksperyensiya hin diskriminasyon.
An nasabi nga serebrasyon in gindudumara kinada-tuig nga nag-iiha hin usa ka semana, tikang ngada hiton July 17 kutob naman 23,
