TACLOBAN CITY – Padayon la gihapon an ginbubuhat nga operasyon han Fire Station han Ormoc City ha nanabo nga dako nga sunog ha three storey building han Gaisano ha mao nga syudad.
Ha himangraw han Bombo Tacloban kan SFO2 Samuel Batugas, Fire Investigator han Ormoc-BFP ha pagkayana (as of this writing) in diri la gihap hira makapagdeklara hin Fire Out bisan sobra na 24 oras tikang han manabo an mao nga sunog mahitungod nga waray pa nira ma-penetrate an groud floor mahitungod han sobra nga kapaso.
Mahinunumduman nga nanabo an mao nga sunog kakulop han ala una han aga ngan igindeklara nga fire under control alas 9:27 han umaga mahuman nga isaka ha third alarm an mao nga sunog.
Mahibabaruan nga natupok han mao nga sunog an halos bug-os han tulo kapalapag han mao nga building.
Sumala kan SFO2 Batugas nga dumako an sunog mahitungod nga confined an mao nga establishemento.
Bagaman nga kanya-kanya na nga nagdeklara hin Estimated cost of damages an mga Stalls ha mao nga mall in waray la gihap kadekarlara an kabug-usan nga danyos.
Ginlalauman naman nga ano man nga oras yana nga adlaw in maidedeklara na nga Fire Out an mao nga sunog
Samtang, waray naman naitala nga casualties ha mao nga insidente.
