TACLOBAN CITY – Nangangandman na an National Police Commission (NAPOLCOM) para han pagsalin-urog han 31st National Crime Prevention Week nga pagtitikangan yana nga September 1 kutob 7.
May-ada hini tema nga “Pinalakas ng Pamahalaang Lokal para sa Ligtas na Pamayanan” nga naka-pokus ha pagpaparig-on ha mga programa kontra kriminalidad ha ilarom han Community and Service-Oriented Policing (CSOP) Strategy han NAPOLCOM.
Magtitikang an selebrasyon ha pamamaagi hin kick-off activity ha usa nga dako nga mall ha Abucay kun diin a-atendiran ini han pipira nga mga ahensiya han gobyerno, inter-agency working group, PNP, BJMP, ngan Coast Guard.
Ha bug-os nga semana in magkakamay-ada hin seminar and workshops para ha mga estudyante ngan komunidad nga magdi-discuss han importansiya han crime prevention.
Magkaka-ada gihapon hin poster making contest para ha kabataan.
Pinaagi han magkaduro-dilain nga mga aktibidad in panuyuan han NAPOLCOM nga mapakusog an kooperasyon han gobyerno, mga kabataan, ngan bug-os nga komunidad agud makab-ot an katalwasan. (via Bombo Shiela Encio)
