TACLOIBAN CITY– Natudlok na hiton mga otoridad, an pangilal-an han kag-anak han bag-o nga kapanganak nga bata nga nakit-an ha drainage canal han Brgy. UEP Zone II, Catarman, Northern Samar.
Sumala kan PCpt. Ruben Caspe Deputy Chief of Police Catarman Municipal Police Station, subay ha ira gindumara nga imbestigasyon, ha kuha hiton CCTV footage, ha borading haouse nga iya gin-uukyan nahibaruan nira nga an nanay han bata in usa nga estudyante.
Dugang pa ni Caspe, ha ira pamakiana ha land lade han boarding house, naka-karawat ine hin mensahe tikang ha nasabi nga estudyante han nakalabay nga Oktubre 5 han gab-i, ngan nag-aaro ine hin medisina para hiton pagsinakit han tiyan, butang nga waray ine katagi han land lady matungod nga waray ine medisina nga para ha tiyan.
Kataliwan hine, pagtamak han Oktubre 6, pasado alas 3:00 hiton ka-agahon, nakit-an ha CCTV footage, nga pumakadto ine ha CR, nga maydara nga balde, ngan pira la kaminutos in gumawas ine nga dara an balde, kahuman in bumalik ha iya kwarto.
Nabaruan gihapon hiton kapulisan, nga may dugo an tsinelas han nasabi nga estudyante.
Ha pagkayana, kapot na hiton mga otoridad an nasabi nga estudyante, ngan ginhuhulat pa an postmortem examination, agud nga mahibaruan kun patay na an bata ugsa nga iglabog, pananglitan naman kun buhi pa an bata nga ginlabog maatubang an nanay hine ha kaangayan nga kaso.
