TACLOBAN CITY – Tanom ngan gin adornohan nga kahoy an ginhahatag han usa nga nanay ha Brgy. Mahagnao han Burauen, Leyte kumo kabalyu han nagtutdo han iya mga anak.
Sumala kan Aimee Agustin, 37 anyos, tungod nga elementarya la an iya nahuman diri niya kaya nga tutduan an iya mga anak kon nakukurian an mga ini ha ira pag studyo ha ira modules.
Ensakto la daw liwat an ira income ha pag uma para haira pangihanglanon sanglit nahuna hunaan niya nga mga tanaman nala o di man ngani gin adornohan nga kahoy an kabalyu han naalayon pagtutor han iya mga anak nga ira la mismo mga amyaw.
Hi Aimee in mayda mga anak nga hira Nina ngan Bea , Grade 8 na ngan Grade 9 ngan naeskwela ha Hibunawan National High School.
Labot la ha pangaro hin bulig ha iya mga amyaw para matutduan an iya mga naeskwela nga anak, kinahanglan pa liwat nga magbaktas hin maabot upat kakilometros para la makakadto ha Brgy. Lanawan han Maacrthur, Leyte kon diin mayda pinakahirani nga signal para makagresearch an mga ini ngan makaistorya an ira teachers pinaagi ha cellphone
Mababaruan nga usa nga dako nga ayat ha ilarom han new normal an pag aram pinaagi han distance learning methods.
