Ginpahayag ni Manila Electric Company (Meralco) Chairman ngan CEO Manuel V. Pangilinan nga dire simple nga istoryahon an pagtanggal han system loss charge mahitungod nga posible ini magdurot hin dako nga epekto ha bug-os nga industriya han kuryente.
Ginbuhat ni Pangilinan an pahayag kasunod han panawagan ni Presidente Ferdinand Marcos Jr. nga amyendahan na an Electric Power Industry Reform Act (EPIRA).
“It’s a big bill for the industry because it cuts across generation, transmission, and distribution. The bill is too big for the industry to absorb all of it. So, there’s got to be that discussion. It’s going to impact the entire power industry in this country,” sumala kan MVP.
Gintagan-duon han business tycoon nga kinahanglan klaruhon kun hin-o an mabaton ha mawawara nga kita kun matanggal na an system loss charge.
“It is not a small matter… So, who’s going to pay for that? The industry? It’s going to cost tens of billions of pesos. Will you not survive?” dugang pa hini.
Manunumduman nga ha ikalima nga State of the Nation Address (SONA) ni PBBM dida han Lunes, Hulyo 27, gin aghat hini an Kongreso nga dayun amyendahan an EPIRA agud dire na maipasa ha mga kunsumidor an system loss charge ngan magin an kaangayan nga value-added tax (VAT) hini.
An system loss in natudlok ha pagkawara han kuryente samtang naagi ini ha transmission ngan distribution network mahitungod ha mga teknikal nga rason ngan mga ilegal nga buruhaton sugad han paggamit han “jumper” ngan pangawat hin kuryente.
Samtang, ginpahayag han Department of Energy (DOE) nga gin aadman na an mga pitad agud maibanan an system loss hin dire dayun iginpapasa an epekto hini ha mga kunsumidor.
Usa ha mga ginkikita nga opsyon han ahensya an pagpapautang han National Electrification Administration (NEA) ha mga electric cooperative agud makapag-upgrade han ira mga pasilidad ngan mapaursa an ira distribution system.
Panuyo hini nga maibanan an pagkawar han kuryente ngan mapahamubo an system losses ha paglabay han panahon.
