-- Advertisements --
TACLOBAN CITY — Nadakop ha gindudumara nga checkpoint ha may Marasabaras siyudad han Tacloban an usa nga multicab nga may karga hin mga baboy.
Sumala kan Ronnie Cornico, head han TOMECO, nga an mao nga mga baboy in nagtikang ha Jaro, Leyte ngan waray may mga kaangayan nga dokumento sugad han transport permit ngan certificate tikang ha veterinary office.
Dugang pa hini nga damo nga mga kaharani nga bungto na an nagpapalusot hin mga baboy ha siyudad nga waray mga iginpapakita nga dokumento.
Nagpahimatngun naman ini ha mga karuyag nga mag transport hin baboy o iba pa nga meat products nga magkuha anay hin permit ha gintikangan nga bungto agud nga masigurado nga talwas ha ASF an mao nga mga karne.
