TACLOBAN CITY – Nahuman na an gindumara nga panginano han mga firecrackers-related injuries hiton Department of Health Region 8.
Sumala kan Jelyn Lopez- Malibago, Information Officer hiton Department Of Health Regional Office 8, nagtikang an nasabi nga monitoring dida han Disyembre 21 han nakalabay nga tuig ngan nahuman naman ine han Enero 5, 2024.
Iginkakalipay naman han nasabi nga buhatan, nga waray na may nahidugang ha 29 nga ihap han mga nabiktima han pabuto.
Mas hitaas naman hin 383% kumpara han ihap nga nahipatik dida han nakalabay nga tuig, kun diin umabot la ine hin 6 nga kaso.
Dugang pa hine, bisan paman kun humitaas an ihap han kaso han mga nabuthan, in waray naman mga major injuries nga nakuha han mga biktima ngan waray gihapon nahipatik nga namatay mahitungod han pabuto.
