-- Advertisements --
TACLOBAN CITY — Nagpapadayon lagihapon an modular distance learning ha kaluyo hiton pag-implementar han limited-to-face classes ha mga eskwelahan.
Sumala kan Jasmin Francisco-Calzita, tagapagyakan han DEPED 8, mayda pa mga kabataan nga deri gintutugutan han ira mga kag-anak nga umatindir han face-to-face classes.
Ha mga kabataan naman nga naatindir na han face-to-face classes in mayda lagihapon an mga ini module nga ginkukuha agud pag-adman ha tagsa panimalay.
Dugang pa hini, nga naka-schedule la an pagsulod han mga kabataan ha mga eskwelahan deri pareho han una nga nagpapabilin la an mga ini ha bug-os nga adlaw ha mga classroom.
