BORONGAN CITY – Ginpipinalisa na han Department of Migrant Workers (DMW) Eastern Visayas an usa nga Memorandum of Agreement (MOA) para ha Anti-Illegal Recruitment and Trafficking in Persons, kaupod an probinsyal nga pangobyernuhan han syudad han Borongan.
Sumala kan Department of Migrant Workers Welfare Integration Services Division Labor and Employment Chief Office, Atty. Michelle Basal, pirmado na han probinsyal ngan city government han Borongan an nasabi nga MOA ngan ginpipinalisa nala an mga dokumento para ha pagtukod han OFW Help Desk ha syudad.
Dugang pa hine, bisan paman kun mayda na OWWA desk ha kapitolyo han syudad nga usa nga attached agency han DMW, in mas maupay la gihapon nga magkamay-ada hin DMW counterpart nga mas harani o direkta nga makakabulig ha mga OFWs ngan sugadman ha ira pamilya.
Ginlalauman nga matutukod na ha madagmit nga panahon an OFW Help Desk agud mas mapadamit an serbisyo para ha mga OFWs ha Eastern Samar. (via Bombo Shiela Encio)
