NATIONAL–Naka andam na an Metropolitan Manila Development Authority (MMDA) agud nga maghatag hin seguridad ha publiko ngan magin maupay an agi hiton trapiko ha tiarabot nga ikatulo nga Trillion Peso March ha ika 25 han PEBRERO.
Han Biyernes nagbuhat an MMDA hin walk-through ha mga lugar kun diin bubuhaton an gios-protesta.
Sumala kan MMDA General Manager USec. Nicolas Torre III, nga an trabaho nira in an pagsiguro nga an pangunahon nga karsada in maagian samtang ginbubuhat an gios-protesta.
Mayada na hira koneksyon ha Quezon City Government, sugad gihapon ha magkalain lain nga ahensya para han nasabi nga aktibidad.
Magpapasarang hira hin mga enforcers kun diin igpapatuman an ira re-routing para magin mupay an agi han trapiko.
Magbubutang gihapon hira hin mga ambulansya, tow trucks, dump trucks, ngan mga portalets ha magkalain lain nga lugar.
Mababaruan nga ginlalaoman an kadamo han mga tawo nga ma-attender ha programa mahitungod nga kadungan hine han ika 40 nga anibersaryo han EDSA People Power.
