TACLOBAN CITY – Gin-aprubaran han Sangguniang Panlalawigan han Leyte, an usa nga resolusyon nga naghahatag hin pagkilala kan Miss Universe Philippines- Leyte Engr. Angel Rose Tambal, kumo opisyal nga kandidata nga mag-rerepresentar han probinsya ha national competition pageant yana nga tuig 2024.
Sumala kan Engr. Tambal, nga an mao nga resolusyon in diri la hiya ordinaryo nga papel, matungod magseserbi ini nga testamento nga andam sumuporta ngan masuporta an probinsya han Leyte.
Maghahatag gihapon ini hin dugang nga kumpyansa kan Tambal, nga magin proud nga dad-on an Leyte ngan maipakita nga andam an probinsya, ha pantag hiton turismo.
Sumala naman han mga board members han Leyte, nga ira liwat pag iistudyuhan nga magpasa hin resolusyon an mga magdadaog han Miss Universe Philippines-Leyte ha mga masunod nga mga tuig, ngan magigin automatiko na nga official candidate han probinsya ha national pageant.
