-- Advertisements --
TACLOBAN CITY – Nagbigti-patay an usa nga babaye ha ira mismo panimalay ha Brgy. 4 Poblacion, San Jose de Buan, Samar.
Ginkilala an biktima nga hi Gina Labong, 33 anyos an pangidaron, usa nga parag-uma ngan residente han mao nga lugar.
Sumala kan Pol. Exec. MSgt. Mario Asilo, deputy Chief of Police han San Jose de Buan MPS, nakit-an nala an biktima han asawa hini nga waray na kinabuhi samtang nakabitay gamit an pisi.
Basar naman ha pahayag han asawa han biktima, san-o an mao nga insidente in nagkaada hira argumento han iya misis tungod nga waray hira kalakip kumo benepisaryo han usa nga programa department of agriculture.
Waray naman nakikita nga foul play an mga kapulisan bahin han mao nga panhitabo.
