TACLOBAN CITY – Arestado an usa nga minor de edad ha gindumara nga operasyon anti-carnapping han mga otoridad.
An suspetsado in usa nga 17 anyos nga bata, Out of School Youth ngan residente han Tacloban City.
Samtang ginkilala naman an tigreklamo nga hi Erwin Fernandez, 40 anyos, may asawa, ngan residente han Purok 7, Brgy. 91, Abucay, Tacloban City.
Sumala kan PCapt. Marjorie Manuta tagapagyakan han TCPO nga nadakop ha akto nga gingagamit han suspetsado an motor nga ginkawat hne kun diin ginparahan ine han mga otoridad ngan ginaro-an hin hin mga papeles pero waray ine napresentar.
Ginprobaran pa han suspek nga umiskapo pero nadakpan la gihapon hiya ngan naaresto.
Hapagkayana in aada na ha kustodiya han mga kapulisan an mao nga minor de edad ngan naatobang na ha kaso nga pagtalapas ha RA 6539 o (Anti-Carnapping).
