ODD NEWS – May mga babaye nga gin babatikos matungod nga nagpapakasal ha mga baba-ero , hubya, paraghubog, daros, ngan drug addict nga lalaki.
Pero duro nga ginbatikos an mga babaye nga nagpakasal ha hayop sugad han usa nga milyonarya ha Britain nga nagpakasal ha usa nga dolphin.
Han nakalabay nga tuig 2005, nag desisyon hi Sharon Tendler, 41-anyos usa nga British millionaire, nga pakasalan an usa nga dolphin nga gin-ngaranan niya nga Cindy, nahitabo an mao nga kasalan ha usa nga Israeli resort.
Na-meet ni Sharon hi Cindy han 15 katuig na an nakakalabay han bumisita ine ha resort. Na- love at first sight hi Sharon kan Cindy .
Mababaruan nga ha usa ka tuig in nakakatulo ka beses napakadto ha Israel hi Sharon agud nga makipagkita kan Cindy ha ilarom han tubig.
Pagkahuman an pira ka tuig nga pakikipag-romansa kan Cindy , in napag desisyunan ni Sharon nga pakasalan ine.
Han nakalabay nga Disyembre 28, tuig 2005 nahitabo an mao nga kasalan .
Naka -busag hin dress an bride nga hi Sharon ngan mayda gehapon ine hira mga guest nga maabot 100.
Samtang nakada naman ha tubig hi Cindy kaupod an pira nga mga dolphins nga nagsisirbe nga bestman .
Han mahuman an mao nga kasalan, nag-harukay hira.
Pagkahuman in igin-itsa hi Sharon han iya mga kasangkayan ha tubig ngan mag-upod hira nga lumangoy han iya asawa nga dolphin.
Mababaruan nga sayu naman nga nagin balo hi Sharon matungod nga namatay hi Cindy ha pagkasunod la nga tuig mahuman an ira kasal.
