TACLOBAN CITY – Pira nga mga tul-an hin tawo an nahikit-an ha may bungto han Barugo, Leyte.
Sumala kan PCapt. Alexander Alfonso, Chief of Police han Barugo Municipal Police Station, nahikit-an an nasabi nga mga tul-an samtang nangunguha hin kahoy nga igsurungo an usa nga residente han nasabi nga bungto.
Subay han mga sumat in daw may-ada usa nga dayo nga babaye an sumaka ha bukid pero waray na ine makabalik. Sumala naman han mga otoridad in waray naman daw nahipatik nga nawawara mahitungod nga waray man may nagsalawad hin report.
Gintotoohan naman nga maiha na an nakadto an nasabi nga mga tul-an mahitungod nga skeleton na gud an mga ine. Waray gihapon may nahikit-an nga bisan anu nga pagkakakilal-an han nasabi nga tul-an.
Ha pagkayana in ginkadto naman na ha punerarya an mga tul-an.
