NATIONAL – An mga mambro han Philippine Postal Corporation (PHLPost) Board of Directors in utro nga nagkaurusa nga igtudlok hi Director Stephen C. Cruz kumo Chairman han Board of Directors ngan Director Luis D. Carlos kumo Postmaster General at CEO.
Ginbuhat ine ha usa nga pagharampang han board nga ginpatawag para ha piniliay.
An PHLPost in usa nga korporasyon nga panag-iya ngan kontrolado han gobyerno kun diin an presidente ngan Postmaster General in kinahanglan nga igtudlok ha nagmamangulo nga lupon hine ngan tutudlukon han Presidente han Pilipinas.
Kun diin, an CEO in ginkumpirma ngan gintutudlok kada-tuig han mga membro han lupon, subay ha Republic Act 10149.
Ha usa nga pahayag, utro nga ginpadig-on ni Presidente Ferdinand “Bongbong” Marcos Jr. an pagtudlok kan Luis Carlos kumo Postmaster General ngan CEO han Philippine Postal Corporation (PHLPost).
