TACLOBAN CITY – Posible nga madungan pa an mga stranded passengers ha Allen Port, Northern Samar pananglitan magpadayon an naeeksperyensiyahan nga maraot nga panahon durot han Bagyong Agaton.
Naka-standby na gihapon an ngatanan nga mga personnel han mao nga port agud maabisuhan an mga pasahero pananglitan maging maupay na an panahon o kun pwede na makabiyahe.
Sumala kan PO3 Nicanor Bumanglag Jr, Substation Commander han Allen Port Northern Samar, 41 private vehicle, 4 stranded bus, 98 stranded truck cargoes, 121 stranded passengers ha Allen Port samtang 11 unta nga barko an mabiyahe pananglitan maibalik na an mga biyahe.
Dugang pa hini nga kakulop pa han aga nag-abiso an PCG Northern Samar nga bawal an magpalawod ngan magbiyahe ha bisan diin nga kadagatan nga nasasakupan han ira lugar.
