TACLOBAN CITY--Ginpaangbit han Samar Electric Cooperative SAMELCO II nga pwede mag-avail an mga senior citizen hin 5% nga discount han ira electricity bill kada bulan.
Sumala kan Dickson Bernales, Institutional Service Department han SAMELCO II, basar ha RA. 9994 o an Expanded Senior Citizens Act pwede hira mag-avail para ha mao nga discount.
Pero, ginmalatumat hine nga kinahanlan nga sulod hira ha tulo nga kondisyon: syahan, nakangaran an bill ha iya, ngan ikaduha, dire lumampas hin 100 kilowats an iya konsumo.
Ikatulo naman nga kondisyon kinahanglan nga sobra 1 katuig na ine nga gintatag-iyahan an iya account.
Para naman han mga senior citizen, nga dire na akos pumakadto ha opisina, kinahanglan la magpadara ine hin authorization letter ha iya pamilya nga mag-aaplay han mao nga diskwento.
Ginkikinahanglan gihapon hin Barangay Ceritfication nga nagpapakita nga residente hiya hiton mao nga lugar.
Nanawagan naman hi Bernales nga dire ig-overload an mga saksakan, mag-unplug o mamarong han mga appliances ngan para ha mga magamit hin speaker, siguraduhon naman ine nga dire maka istorbo ira mga amyaw.
